Aẓru n Ccmini: tuɣal-d tfaska “Agraw n udlis”

Tuɣal-d aseggas-a tfaska n udlis mu semman “Agraw n udlis”, i d-tettheyyi tdukka tinmetti-tadelsant “Agraw” n Ccmini. Seld ḥebbus amaran ɣef ssebba n Covid-19, aṭas n yimura d yixxamen n teẓrigin i yettwanecden i usihar-a adelsan, i yettimɣuren seg useggas ɣer wayeḍ, ilmend n teẓrigt-a tis kraḍ.

Ad d-nesmekti dakken ar tura ldint tewwura i yakk imura, anta tebɣu tili tutlayt swayes ttarun. Rnu, ad n-ilin warmuden nniḍen, am tikci n warraz n wungal, isaragen, tamedyezt, amsizwer i yigerdan ɣef tesnast “lmed tamaziɣt”, d wayen nniḍen. Ma d azemz n tfaska, ad temmag seg 20 ɣer 23 yulyu 2022.

Wid i yebɣan ad kkin deg temzikknin ara yilin, neɣ deg tigawin iḍen, ad arun ɣer tansa-a n tdukkla Agraw: tiddukla_agraw@yahoo.fr.

Yetturaǧu ad teččar tfaska, akken tesmurres yakan di teẓrigin iɛeddan. D tagnit i yimura ad mlilen d yimeɣriyen udem ɣer wudem.