Aqbu: banen-d wid i d-yufraren di temlilit n tmedyezt n Ssumam

Timlilit n tmedyezt n Ssumam i d-tettheggi myal aseggas tdukkla tadelsant ” Itri Adelsan n Uqbu ” , aseggas-a telḥeq ɣer teẓrigt-is tis 13.

Di temlilit n tmedyezt n tikkelt-a, i yemuggen seg 13 armi d 15 yulyu 2023, tuɣal-as tejmilt i umedyaz ameqqran Benḥemmuc Brahim fell-as talwit n bab igenwan.

3 n wussan n unnecraḥ, tumert, d umbadal n tektiwin i ddren wid yekkin di temzizzelt-a, ayagi s lebɣi d uxeddim n wid akk yellan di lmendad n leqdic-a.

Ma d ayen yerzan igemmaḍ n temzizzelt, kraḍ n yimedyazen i yeṭṭfen taqacuct.
Arraz amezwaru yettunefk i Mass Keddur Adem i yettwassnen s tmedyezt-is ifazzen, niqal yewwi arraz wis kraḍ di tfaska n tmedyezt n useggas-a i d-tettheggi tdukkla tadelsant ” Adrar n Fad “. Ma yella d amḍiq wis sin yeṭṭef-it umedyaz Mass Ferḥat Ɛemmar Uceεban.
Ula d tamedyazt Buεǧaǧ Wisam, tewwi-d amur-is di tfaska-ya, tusa-d dɣa deg umḍiq wis kraḍ.

Ad d-nesmekti belli, ddeqs n wudmawen i yerzan i Uqbu i wakken ad ssbeɣsen leqdic-a d wid i t-id-isuddsen, ama d anemhal n tenmehla n yidles n twilayt n Bgayet, neɣ d aselway n Usqamu Unnig n Timmuzɣa Mass lhacmi Ɛessad, i yerzan daɣen ɣer tmesrit n udlis n Ccmini.

Di taggara gedha i wid i d-yufraren, afud igerrzen ɣer sdat.