Rebεa (04) n yinelmaden n Tesga n Tutlayt d Yidles Amaziɣ n tesdawit n Bgayet i d-yewwin arrazen iseklanen

Mmugent snat n tfaskiwin tiseklanin deg Uẓru n Ccmini akked Uqbu ussan n 13, 14 akked 15 yulyu 2023.

Tamezwarut d Agraw n udlis (At Weɣlis) i d-tsuddes tiddukla tinmettit AGRAW, tis snat d tafaska n tmedyezt i d-tsuddes tiddukla “Itri Adelsan n Uqbu”.

Deg snat-a n temliliyin ufraren-d rebεa n yinelmaden n Tesga n Tutlayt d Yidles Amaziɣ n tesdawit n Bgayet.
Inelmaden-a d wi:

-GUESLEM FARID, i yewwin arraz amezwaru n M A ḤADDADU n udlis n tsekla ifazen, d arraz i d-tsuddes tiddukla AGRAW.

-KADDOUR Adem, arraz amezwaru n tmedyezt, i d-tsuddes tiddukla Itri Adelsan n Uqbu.

Ma yella d REMILA Faïza akked MOUAISSI Nedjmeddine, wwin-d arraz wis sin d wis tlata n tesleḍt d tɣuri taseklant i d-yufraren i d-tsuddes tiddukla Agraw i tikkelt tamezwarut.

Ad d-nesmekti tayi d taẓrigt tis 04 n Ugraw n udlis, ma yella d tiddukla n Sumam d taẓrigt tis 13 i ɣur tewweḍ.

Taggara n wawal, ad d-nini tanemmirt i snat n tiddukliwin i d-isuddsen leqdicat-a, ayyuz i yinelmaden n Tmaziɣt, ayyuz i wiyiḍ i d-yufraren deg tfaskiwin-a, tabɣest i wid i iqeddcen ɣef tutlayt d yidles Amaziɣ.

ITRI, 16/07/2023.