Amezgun n Bgayet: yesmurres wass i d-yettwaheyyan i tmeṭṭut

S uberriḥ n “Women’s health matters”, thegga-d tdukkla « Lahna Smile » akked Uqusis ussnan n yinelmaden n ufurek n tesnujjya di tesdawit n Bgayet, yiwen n wahil ɣef tdawsa n tmeṭṭut.

Aneḍruy-a yella-d ass-a 13 meɣres, seg 09:00 n tsebḥit armi d 16:00, deg Umezgun amnaḍan Malek Bugermuḥ n Bgayet. Ddeqs n tlawin i yerzan ad ḥeḍrent imi walant teεna-tent taluft. Seg-sent tid yenwan ad d-awint isallen ɣef ugerrez n tfekka neɣ ad d-fkent tikti ɣef kra neɣ d kra.

Deg wayen i d-yellan s umata deg usihar, ugar n usḥulfu (aḥesses) ɣef kra n waṭṭanen, yella-d uskasi akked yisaragen sɣur yimsujjiyen uzzigen ɣef waṭṭanen i yettḥazen s nezzeh tulawin. Ama d ayen icudden i tfekka neɣ i walkaɣ.

Ad d-nesmekti daɣ dakken yettwaheyya-d si tazwara ujerred i ttiεad-a di internet, am wakken tettwaldi yiwet n tbezzart i uεiwen n tlawin tigellilin.