Tiɣri n tdukkla « Agraw » i tikkin deg umsizwer Muḥend Akli At Uxeddal

Tberreḥ-d ussan-a yezin tdukkla tinmettitadelsant « Agraw » n Ccmini s tiɣri i tikkin deg umsizwer aseklan Muḥend Akli At Uxeddal (Ḥadadu), di teẓrigt-is tis kraḍ.

Ɣef wayen i d-yeddan deg wulɣu i d-gan, ad d-yeṭṭef umsizwer-a aṭas n tewsatin n tsekla, gar-asent tullist, tamezgunt d wungal. Wid iran ad kkin, zemren ad aznen aqeddic-nsen i d-yeffɣen gar 2018 d 2020, ɣer tansa-a n yimayl: arazmdaklihadaddu@gmail.com.

Ad d-nesmekti dakken azemz aneggaru n uceyyeε ur ilaq ad tεeddi 15 di mayu n useggas-a 2021. Daɣen Yessefk ɣef umekki ad yawi kraḍ seg yidlisen-is ɣer Uxxam n tdukkla «Agraw» i d-yezgan di taddart n Texlijt, deg Uẓru n At Ccmini, Agezdu n Bgayet.  

Llant kra n tewtilin nniḍen i tzemrem ad tafem deg wassaɣ-a.

Iswi n umsiẓwer-a, ɣef leḥsab n yimheyyiyen, nnig n tejmilt i uselmad-a, d asebɣes n wutwilen, yal yiwen di taɣult-is.