Asegmi aɣelnaw : ur uɣalen yinelmaden deg yiɣerbazen-a ɣef ssebba n wayen tga zzenzla

Tberreḥ-d Tenmehla n usegmi n twilayt n Bgayet s uwexxer n tuɣalin i tɣuri deg 22 iɣerbazen, alama d ass n 28 deg wayyur-agi.

Rray-a yusa-d mbeɛd asefqed n wat CTC ɣef temɣer n temḍerrit, seld zznazel i d-yellan deg wussan yezrin i d-yewwin cwiṭ n uxessar di kra n tneɣriyin. Γef leḥsab n unemhal n usegmi n twilayt-a iɣef i d-nettmeslay, iqeddicen n ureqqeɛ ad bdun seg wass-a n acer (lḥedd).

Awellih yettunefk i tkebbaniyin iwumi yettwaǧǧ leqdic-a i wakken ad t-fakken uqbel ass n tuɣalin (28 meɣres). Ma d umuɣ n iɣerbazen yenṭerren, s tɣiwanin, yusa-d akka :

– Bgayet(13) : (3) d iɣerbazen imenza, (8) d iɣerbazen ilemmasen, (2) snat n tesnawiyin.

– Kendira(2) : (1) yiwen n uɣerbaz amenzu, (1) yiwen n uɣerbaz alemmas.

– Boukhlifa : (1) yiwen n uɣerbaz amenzu.

– Toudja : (1) yiwen n uɣerbaz alemmas.

– Fenaia : (1) yiwen n uɣerbaz alemmas.

– Aokas : (1) yiwet n tesnawit.

– Timezrit : (1) yiwen n uɣerbaz alemmas.

– Tala Hemza : (1) yiwen n uɣerbaz amenzu.

– Feraoun : (1) yiwen n uɣerbaz alemmas.