Aweqqas: Mazal ibelleε ubrid deg Tala Xaled

Ar tura mazal isekker ubrid aɣelnaw wiss 09 i yellan gar Bgayet d Sṭif.

Abrid-a bellεen-t yimezdaɣ n Uweqqas segmi i d-berrḥen yemḍebbren n tdayra s wumuɣ (liste) n wid i d-yesfayden seg tnezduɣin tinmettiyin.

Γef leḥsab n teɣbalut-nneɣ, ddeqs n yimezdaɣ ur yeqbil s wumuɣ-agi, imi ttwalin-t ur d win iεeddlen. Amedya, deg taddart tameqqrant am Tala Xaled, ala 9 n twaculin umu i d-saḥen yixxamen. Ihi ɣef leḥsab-nsen, tinezduɣin-a ur ttwaferqent ara akken ilaq lḥal.

I yisalli, abrid-a ibelleε deg umḍiq umu qqaren Tala Xaled, kra n lmitrat deffir ufalu.