(Sɣur Lɛerbi Yeḥyun). Asmekti n Ṭawes Ɛemruc, 1913-1976

Ṭawes Ɛemruc d yiwet gar tlawin tiqvayliyin timezwura i irefden idles-nneɣ s ccna d tira. Tesdukel gar tẓuri d tsekla, dɣa tegmer-d icewwiqen d tmucuha i d-telqeḍ seg yimi n yemma-s Faḍma. Deg useggas n 1967, tewwi arraz le grand prix du disc (Opéra).

Tura 3 wungalen i wumi tsemma -Tamegra n yinig- “Jacinthe noire” 1947, “Rue des tambourins” 1969, “L’amant imaginaire” 1975 akked ” Solitude ma mère” i d-yeffɣen seld tamettant-is. Xas tedder deg tmura tiverraniyin, maca terra-d i teɣri n tmurt-is i tt-yezzuznen s teqvaylit deg yirebbi n yemma-s. Tedder d taqvaylit, d tamɣerdant almi d asmi temmut ass n 02 Yevrir 1976, deg Fransa.

Akken i as-tenna yemma-s : ad yeg Ṛebbi iṭij-im d win ara icerrgen asigna. Ṭawes tcerreg asigna, tezzuzef tilas, tefka-d tafat akken ad aɣ-d-teqqim d amedya n tlawin tilelliyin ur nkennu sdat uzaglu.

L. Y