Taqbuct n Tkunfidiralit Tafriqit (CAF): JSK tḥella-d amεadal sdat RSB

D taneqqiṭ ɣlayen nezzeh i d-teggi terbeεt n yilemẓiyen n Yiqbayliyen ass-a seg Merruk. Ayagi imi temεadal nettat d terbaεt tamaziɣt RSB.

D tidet , yella yetturaǧu ad d-uɣalen watmaten n Bencrifa s kṛad n tneqqiḍin, Imi εewwlen-d nezzeḥ ɣef temlilit-a. Meεna tikwal, ileḥḥu waḍu akken ur d-as-yehwi i teflukt.

Γas ma yella izmawen n Ǧerǧer kemmlen timlilit s mraw n yemyuraren kan, imi yewwi-d umyurar Malik Rayeḥ takerḍa tazeggaɣt deg qdiqa tis 75.

Lameεna, ur fcilen yergazen n Mellal, d anemgal,xedmen akk ayen umu zemren i wakken ad yeqqim ucebbak-nsen d azedgan.

I wesmekti, akka tura s tneqqiṭ-a i d-terna, tesεa terbaεt n yilemẓiyen Iqbayliyen semmus (5) n tneqqiḍin, teṭṭef amḍiq wiss sin deffir n terbaεt n Coton Sport.

Ma yella d tarbaεt n watmaten Imaziɣen RSB, teqqim kan akken tella s kuẓ (4) n tneqqiḍin.