Tizi Wezzu: tettwagdel tikli n yisdawanen

Segmi i tekfa teswiεt n ukman ar ass-a, teffɣen-d yisedawanen myal ass n aram di tikliwin. Anda i ssuturen ad tbeddel liḥala i yettidir unelmad, d tin n tmurt s umata.

Ad d-nesmekti belli tikliwin-a llant ula uqbel teswiεt n ukman. Rnu i waya, mačči kan di twilayt n Tizi Wezzu i d-ttilint tikliwin-a, meεna ula di kra n twilayin-nniḍen.

Γas ma yella d izerfan-nsen i ssuturen, yerna s tikli timelwit, meεna ur ten-ǧǧan yiɣallen n laman ad kemmlen tikli-nsen. Ayagi imi i d-gren iman-nsen feṛqen-ten.

I yisalli, d tagi d tikkelt tis semmus i ttwaḥebsen yisdawanen n Tizi Wezzu ɣef tikli. Ineggura-a dɣa, ur bran i usirem, εewwlen-d dakken myal ass n aram ad d-ffɣen, ad kemmlen amennuɣ-nsen.