At Dwala: Iban-d yemmut yilemẓi Farid Laiche

8 avril 20218 avril 2021 Azwaw At Dwala, Disparition en Kabylie, Disparus retrouvés morts, Kabylie

Ilemẓi Farid Layic (Laiche), n taddart n Tgemmunt n Ukerruc, taɣiwant n At Dwala, ufan-t ass-a yemmut meqrub amḍiq-is n tnezduɣt.

Akken i d-nsaweḍ deg uɣmis-nneɣ isalli n rrwaḥ-is ussan-a iεeddan, iraε yilemẓi-a seg yiḍ n wass n 20 meɣres 2021 mi yeffeɣ seg uxxam. Seg yimir-nni ur d-yefki ssmamat n tudert armi i t-ufan war iẓiɣer ass-a, lexmis 8 yebrir.

Ad d-nesmekti dakken, ɣef wakken i d-nnan yimawlan-is, yella yesεa yilemẓi-a kra n wuguren n tnefsit i icudden ɣer kra n tlufa. Segmi iruḥ ur ḥbisen yimezdaɣ n taddart-is anadi, armi dɣa d ass-a, iban-d yemmut.