(Tiwlafin). Taḥanut n Ɛebdelli: amedya n usmuzzeɣ n yifarisen n tgella

Seg wid yekkren ɣer tigawt n tikci n umḍiq i tutlayt-is deg teɣlafin n yifarisen n tgella, yella mass Ɛebdelli (Abdelli) iɣef yekker wawal yelhan ussan-a.

Amdan-a mačči d taneɣraft (luzin) yemmuggen i uxdam n yifarisen neɣ d tiɣlafin i yesεa, maca yessutur kan deg yimsaǧǧawen-is ad d-sdukklen tira n teqbaylit akked tid akk yellan deg yifarisen i yettaɣ. Yegza azal n usezwew n yifarisen i d-nettaɣ, iεedda ɣer usemres.

Di lawan ideg kra n yimdebbren n lluzinat imeqqranen sedreɣlen allen ɣef tezwawt, neɣ ttafen-d ifakulen yecban « ččarayent teɣlafin s waṭas n tutlayin », mass Ɛebdelli yefka-d amedya i wid yebɣan ad qedcen s wudem ilelli, ad zwiren ayen swayes umnen d abaɣur i tutlayt, idles d tillit-nsen.

Run, akken ur yettili d yir aserwet wayen ixeddem, yessutur yimselḥu-a deg wid yettarun akken ilaq tazwawt ad as-d-arun nutni akken ad yamed uqeddic-is iwennεen.

I yisalli ihi, tezga-d tḥanut-a n Ɛebdelli tama n SAA deg Tizi Wezzu. Ɣas mačči d asezwew 100%, tuklal tḥanut-a asebɣes, adellel d tiɣin sɣur-s.