(Tavidyut). Tizlit igerrzen n Lwennas Ɣassuli ɣef Tefsut Taberkant
Yuɣal-d ucennay ilemẓi Lwennas Ɣassuli (Lounes Ghassouli) s uklip nniḍen d amaynu swayes yerra tajmilt i yimeɣrasen n Tefsut Taberkant, d ideg i d-yuwi ddeqs n tektiwin ɣef taluft-nneɣ. Nella nmeslay-d ɣef yilemẓi-a i d-inejren s ttbut abrid n ucennay amḥaddi. Yuklal ayendin asebɣes imi ur ṭṭuqqten di tnuda-s am netta.
Dɣa, deg tal tadeddart, ad yeεreḍ ad d-yawi tikti ara yessawkin Izwawen ɣef usentel-a neɣ wayeḍ. Amedya, di yiwet n tseddart, isqerdec taluft n useεreb ideg yeṭṭef udabu n Lezzayer seg wacḥal aya, armi ibeddel ula d ismawen n yimukan. Yecna dɣa “Nefreḥ nsuffeɣ Irumiyen, ziɣ ggran-d Yicerqiyen, iḍul umennuɣ-nneɣ”.
Yenna dɣa ucennay: “beddlen-aɣ ula d ismawen, muqqlet ɣer tuddar ayen, Iεeẓẓugen d Azazga?”.
Si tama n uẓawan, yebna ucennay tizlit-a ɣef waṭas n wanyayen (rythmes) d yiɣaniben (styles). Tikwal amzun d aɣerfan-nni, tikwal d afuleklur Aqbayli.
Ɣer taggara yessawel ɣer tdukkli gar Yizwawen akken ad yettwaɣḍel uεdaw.
Walit aklip-a deg wassaɣ-a n wadda.
Walit daɣen: