At Si Yusef: Aheyyi i tfaska n tmedyezt d tajmilt i Yusef Ɛacuri

31 mai 202131 mai 2021 Azwaw Ait El Kacem, Festivals de poésie, Tamurt n Yiqbayliyen, Tifaskiwin n tmedyezt

Tberreḥ-d tdukkla tadelsant Tafat n Ayt Lqasem s uheyyi n teẓrigt tis kuẓet (4) n tfaska n tmedyezt taqbaylit “Tawwurt n Lεenser” ara yemmaggen deg taddart n At Lqasem, taɣiwant n At Si Yusef, seg 07 alama d 10 deg wayyur n yulyu 2021.

Taẓrigt n useggas-a bɣan-tt yimsuddsen ad tili d tajmilt i umedyaz d umaru Yusef Ɛacuri.

I yimedyazen i yebɣan ad kkin deg umsizwer-a, zemren ad aznen kraḍ seg yisefra-nsen s ubrid n internet ɣer tansa-a n yimayl: tiddukla.tadelsant.tafat@gmail.com, neɣ ɣer faks: 026 38 19 77. Ilaq ad d-yili waya send azemz n 12 yunyu 2021.

Yella daɣen ttawil n ujerred d usuter n yisallen s tilifun ɣer wuṭṭun-a: 0792075234.