Melbu: yeɣreq yiwen n uqcic n 10 iseggasen deg wasif n Uɣeryun

B. Rayane d yiwen n weqcic seg taddart n Tizi Lwad, taɣiwant n Melbu. D agrud i yesεan 10 iseggasen kan di leεmer-is.

Imi deg unebdu i nella, neɣ deg taswiεt n lḥamu, yerza Rayan ɣer wasif n Uɣeryun, i wakken ad yessiṣmeḍ tafekka-s s uεemmu.

Γef leḥsab n yisallen i aɣ-d-yewwḍen, Aneglus-a yeɣreq tameddit n wass n yiḍelli. Dɣa, d iqeddacen n Uḥuddu aɣarim i d-ijebden tafekka-s seg waman, ɣef luhi n tlata n tmeddit.

Syin-a wwin-t ɣer sbiṭar n Xerraṭa i wakken ad as-gen L’autopsie.

Γas ma yella ulac win yezran d acu i aɣ-d-yettheggi yimal, meεna akken qqaren yelha uḥader. Ihi yewwi-d ɣef yimawlan ad εassen arraw-nsen.

Talwit i tnuffist-ik.