Ticci: yettwagdel usarag i tuɣ ad d-yeg ubugaṭu Qader Ḥewwali
Yettwagdel ass-a 19 yunyu, usarag i yella yetturaǧu ad d-yawi tameddit-a ɣef 15:00 umastan Qader Ḥewwali (Kader Houali) deg Unammas Adelsan Idir Ɛacur-Bakaru n Ticci.
I usmekti, akken i d-tεerreḍ seg tikkelt ɣer tayeḍ udmawen ɣer temlilit taseklant i d-tessuddus, tenced-d tdukkla Asaki n Ticci abugaṭu-a Qader Ḥewwali akken ad d-yawi asarag ɣer wayen icudden i « Turart s teɣdemt. S wacu ara d-yeglu waya i yizerfan n umdan di Tmurt n Yiqbayliyen?». Maca, yettwagdel ɣer taggara.
Seld aya, tsuffeɣ-d tdukkla timheyyit ulɣu (communiqué) ideg i d-tberreḥ i medden s wayen yeḍran, terna tewt-d s teqseḥ deg uttεeddi-a i d-yuɣalen ɣef tlelliwin, ladɣa tin n umeslay.
Ur d-yeddi deg wulɣu-nni d anwa i tt-igedlen, maca tenna-d tdukkla yuɣal udabu ɣer tid-is d uḥras n tmetti. Terna tura-d dakken ad d-tuɣal ɣer taluft-a deg uberreḥ nniḍen ara d-tsuffeɣ sey-a ɣer da.
