(Tiwlafin)-Bgayet: taẓrigt tis sḍis n tfaska n uberquq di taddart n Laεlam

Am yal aseggas, tella-d ass-a tfuggla n tfaska n uberquq, i teẓrigt-is tis sḍiṣ, di taddart n Laεlan, taɣiwant n Temrijt, tawilayt n Bgayet.

Tamnaḍt-a i yesεan ddeqs n lesnaf n uberquq, neɣ n lεin akken i as-qqaren di kra n tudrin Tiqbayliyin, tesnubgut-d myal aseggas ddeqs n wid iḥemmlen agummu-a. Ama si twilayt n Bgayet, neɣ berra-s.

Ayen ɣef wacu nessḥassef, d tanaga n kra n yimezdaɣ, i aɣ-d-iwekkden belli, lɣella n lεin tenqes deg yiseggasen ineggura. Ayagi tamentilt-is dɣa, d lexṣaṣ n waman, akked ttawilat iwulmen i wuẓẓu d gemmu n ttejra-a.

Ad d-nesmekti belli, taddart n Laεlam d tin yesεan tiɣbula n waman, meεna ur asent-yettwaxdem ara ttawil iwulmen akken ad snefεen deg-sent yimezdaɣ.

I yisalli ddeqs n yiqeddicen-nniḍen i d-yellan, am tufsirin n yiqennucen n ufexxar, d tid n tuččit.

Nessaram wid teεna temsalt ad d-slen i ṣṣut n yimezdaɣ, i yessuturen ad d-ṣṣiwden aman i ttjur-nsen.