(Tiwlafin): tawennaḍt-nneɣ deg umahi ageεmir

Simmal tεeddayen yiseggasen, simmal tettiqsiḥ tudert n wemdan. Meεna ayen ɣef wacu nesḥassef, d netta s ttimad-is i d-yewwin lemḍerra i yiman-is.

Ulac adeg yeqqimen d azedgan, ama d tiftisin, ama d tiẓegwa. Yuɣal ugama-nneɣ d adeg n ugudi. Anda i muqqlent wallen ad teččarent s tugna n uhicur ( agudi s tsaḥlit ).

Ladɣa, deg lawan-a n unebdu, yal win ara yerzun ɣer tezgi neɣ ɣer teftist, yettawi ifassen-is ttcuren d lqeḍyan, yettara-ten-id d ilmawen. S unamek-nniḍen, ttdeggiren lewsex-nsen anda i asen-yehwa.

ulac win iteddun d uṣaduf, anagar takemmict deg-sen ur ṣṣawden i kra.

Ma yella nger tamawt, deg tallit-a, tiṣeddarin n lḥamu ulint nezzeh. Amedya, d ayen i nettidir ussan-a, rɣant tfekkiwin-nneɣ seg lḥamu. Ula d nnefs yettiwεir i yiwen.

Acimi? acku ulac win yesseḥbibiren ɣef twennaḍt, aplastique di myal amkan, igenwan qquren, ttjur ara d-yefken Oxygène rɣant, luzinat ssuffuɣen-d deg ssem-nsen.

Menhu ( Aniwa ) i d asfel, d amdan, i yekkaten tiyitiwin deg uqerru-s ur d-yewwi s yisalli.