Sidi Ɛic: yemmut umazan ( député ) Cafeε Buεic

Cafeε Buεic, yella yakan seg wid ihelken aṭṭan idumen ( maladie chronique ), d ayen i t-yeǧǧan, yerna yenḍer ugar segmi i yeṭṭef aṭṭan n Covid 19.

Γef leḥsab n yisallen i aɣ-d-yeggḍen, Mass Cafeε iqubel aṭṭan-a s tebɣest mi yekcem di sbiṭar n Sidi Ɛic ussan-a. Lameεna, ur yeṣṣaweḍ ad yesseɣleb fell-as.

I yisalli, Mass Buεic yella d amazan n ukabar n FFS, n twilayt n Bgayet snat n tikkal. Am akken i yella daɣen, d amasay ( responsable ) ɣef teywalt ( communication ) n ukabar-a daɣen.

Ass-a yeǧǧa-aɣ di leεmer-is 47 n yiseggasen kan. Neṣṣawaḍ aεezzi-nneɣ i twacult-is, d wid akk i t-iḥemmlen, ad yesteεfu di talwit.