Buzeggan: tettheggi-d tdukkla tadelsant Tiεwinin tafeska Abrid n udlis

I wakken ad as-fken azal i tɣuri d udlis s umata, ad d-theggi tdukkla tadelsant Tiεwinin tafaska Abrid n yidlisen, ara yilin seg 2 ar 4 cutember 2021, deg Buzeggan, tawilayt n Tizi Wezzu.

D leqdic igerrzen maḍi, imi d win ara yefken afud seg yiwet n tama, ama i yimyura, i yimaẓragen, neɣ i wid yesεan tinedlisen, i wakken ad fesren idlisen-nsen, ad ssisnen leqdicat-nsen. Seg tama-nniḍen, d tagnit i yimeɣriyin, i wid iḥemmlen tira, akken ad d-agmen seg tala n myal amaru. Mebla ma nettu, timlilit-a, ad d-tessemlil kra n wid yettnadin tamussni, akked wid iεecqen imru. Neɣ s unamek-nniḍen, ttiεad-a, ad d-yili d abrid n umbaddel n tektiwin.

Ddeqs n leqdicat idelsanen ara yilin di ttiεad, umi fkan aberriḥ-a: “D ilelliyen akken ad d-nales azekka”. Ad ilin ama d isaragen sɣur yemyura iqburen d imaynuten, ama d tifesrin n yidlisen, neɣ d uḍan n tmucuha i warrac.

Di taggara, tikti-agi nezmer ad as-nsemmi aṣenfar, acku, mačči d ayen isehlen. Ccɣel-agi yeḥwaǧ axeddim, lebɣi, tuddsa, idlisen, akked tedrimt. Ccil tikti tella, yerna telha, meεna i wakken ad tesmurres tfaska-a, ilaq myal yiwen deg-neɣ ad d-imudd afus-is s wayen umu yezmer. Ihi, i wakken ad ten-tεiwnem deg usirem-a, rzut ɣer wadeg-agi : https://www.leetchi.com/c/organisation-du-premier-salon-du-livre-a-bouzeguene?utm_source=copylink&utm_medium=social_sharing