Sbiṭar n Uqbu: qrib ad yekfu uɣbel n lexṣaṣ n uksijin

Γef sebba n lexṣas ameqqran di uksijin ( Oxygène ), di sbiṭar n Uqbu, ddeqs n yimuḍan i yemmuten ussan yezrin s xannaq.

Iḍelli tameddit kan, ṣa ( 7 ) n yemdanen i iṛuḥen d asfel n ṭṭiq, acku yekfa nnefs n uksijin di sbiṭar-a.

Imi walan liḥala ur d tin yeṣṣefraḥen, imḍebbren n termiṣin ( entreprises ) n temnaḍt-a, ddukklen gar-asen, ffɣen-d s tikti lεali.

Ineggura-a, fkan-d tadrimt ilaqen, i usnulfu n wadeg anida ara d-xeddmen uksijin i sbiṭar n Uqbu.

I yisalli, timacinin ilaqen i waya, d ayen leḥqent-d, mazal kan ad bdun axeddim.

Asefk-a ( cadeau ), d win s wacu umren nezzeh imezdaɣ n Uqbu, d tuddar i asen-yezzin.

Nukni seg tama-nneɣ ad nessnemmer wid i d-yefkan afus n tallelt, nessaram ad ḍeffrent temnaḍin-nniḍen abrid-nsen, ahat ad selken yimuḍan.