(Tiwlafin). Iderginen: imezdaɣ n Ayt Ɛettiq ddmen s yiman-nsen tazeqqa-nsen n udawi

Ur fernen araǧu yimezdaɣ n Ayt Ɛettiq, di tɣiwant n Yiderginen, i d-yezgan s wazal n 45 n yikilumitren ɣer usamar n Bgayet, ɣef wayen i sutren i yimdebbren-nsen.

Dɣa, meskud εeṭṭlen yinesdabuyen idiganen (Autorités locales) akken ad reqqεen tazeqqa-nsen n udawi i yellan deg yir liḥala, kkren nutni s timmad-nsen ad as-beddlen udem lwaḥi d yiɛeggalen n tdukkla tinmettitadelsant Asirem.

Ulama ur sεin aṭas n ttawilat gar yifassen, zdin lebɣi d yiɣallen, kkren ad seggmen tazeqqa-nsen. Seld agmar n yidrimen sɣur wat tedrimt d wat lxir, uɣen-d akk ayen ilaqen, εeddan ɣer tigawt i gan deg wahil.

M’ara kfun lecɣal-nsen dayen, bɣan ad d-tuɣal tzeqqa-nni n udawi ad as-tiniḍ d tamaynut.

Am tal tikkelt ihi, dima yettawi-d abaɣur-is wansay n twizi di Tmurt Tazwawt. Ɣef waya, yelha kan ad ṭṭuqqutent twiziwin.