(Tiwlafin). Lexsas n waman: ibarajen Ticiḥaf d Teksebt deg yir liḥala

Aṭas aya segmi i d-tettban trennu taɣart di Tmurt Taqbaylit di Tmazɣa, d umaḍal s umata ɣef ssebba n ubeddel anezwan (changement climatique). Zik, tuɣ ala di tegrest i ttxassan waman deg wuggugen (ibarajen) d yixammen, maca tura walan yimezdaɣ dakken tikwal ulac aman ula di Tegrest, aniεad Tafsut d Umwan.

Amedya n ubaraj Ticiḥaf i d-yezgan di taddart n Meḥfuḍa, taɣiwant n Buḥemza, di Bgayet, i d-yesskanen udem yeqqur seg teqseḥ n ḥamu d tulacit n waman. Ɣas ad d-nini akken ula d uggug n Teksebt, i d-yezgan deg Wat Ɛisi, i nettwali yenxer deg waṭas n yimukan seg wacḥal aya tura.

Dɣa, ayen yesqelliqen akka tura imdanen d addad n yibarajen yettwassnen s tačcčat-nsen iseggasen yezrin, yecban wi n Teksebt d Ticiḥaf. Akka tura, aswir n taččart-nsen ur tezmir ad tqenneε i waṭas n wakud tiɣiwanin i yettawin seg-s. Ladɣa imi mačči buhan n ugeffur i d-yeɣlin deg wussan-a n uzɣal i yettkemmilen.

Ɣef waya, ma nmeslay-d ɣef tifrat, ilaq kan ad d-yili wahil s uzrab sɣur yimdebbren akken ad d-sellken ayen i izemren ad d-yettwasellek, ad walin iberdan nniḍen, rnu ad εiwden akk tamuɣli ɣef waman di temdinin d tɣiwanin.

Ticiḥaf

Taksebt