Buǧima: yennerna useqdec n ufud afukan i trisiti deg yiɣerbazen

D asurif igerrzen nezzeh i iga uselway n tɣiwant n Buǧima. Ayagi imi, yella seg wid yesseftin aṣenfar n ufud afukan ( énergie solaire ) i wakken ad d-tili trisiti deg yiɣerbazen n tɣiwant-is.

Akken i neẓra, aṣenfar-a d win i d-yettmuddun trisiti s ttawil n yiṭṭij, rnu i waya mačči d win yettḍurrun tawennaḍt.

I yisalli, seld n semmus (5) n yiɣerbzen i d-yesfaydin yakan, tikkelt-a d nnuba n uɣerbaz Hellu deg Ugni Ufeqqus.

S waya, ggran-d ala sin n yiɣerbazen seg ṭam (8) i tesεa tɣiwant i mazal ur sεin ara.

Nessaram ad ḍefrent tɣiwanin-nniḍen abrid-is.