(Tiwlafin). Xerraṭa: yegrareb-d yiwen n weɣlad di tlemmast n temdint.

D taswiεt n tuggdi tageεmirt i ddren iḍelli, tanezzayt n wass, yimezdaɣ n temdint n Xerraṭa. Ayagi imi, i d-yeɣli yiwen n weɣlad (lḥiḍ) i yellan yeṭṭef yiwen n uzudaɣ ( bâtiment ) umu qqaren ” Anezduɣ Nabet “.

Γef leḥsab n tnagiwin n kra n yimezdaɣ, d akal i d-isaxen, imi ddeqs n ugeffur i d-yewwten. Akal-a dɣa, idemmer-d lḥiḍ-a armi i d-yeɣli.

Ad d-nesmekti belli, snat n tkerruṣin i yenḍerren seg ugrireb-a, yuɣ lḥal, deg wadeg-nni i llant imi i d-yeḍra uxeṣṣar-a. Ma d ayen yeεnan imdanen, iḥun Yellu selken seg umahi-a. Ula d inehharen n tkerrusin-nni yenḍerren, ur llin ara dinna.

I yisalli, kra n wussan kan segmi i tewwet znezzla di temnaḍt-nni. D ayen i yeǧǧan kra n yimezdaɣ ugaden ffɣen-d ɣer berra, imi nwan d znezzla-nniḍen. ‘” ṣṣut-nni i d-iga ugrireb-a, amzun n win n znezzla, d lmuḥal ad t-ttuɣ “‘. I aɣ-d-tenna yiwet n tlemẓit.

Aredmani, ur umren yimezdaɣ s waya, imi ttwalin belli wid i t-yebnan weɣlad-a ur as-xdimen ara taɣellist ilaqen.