Tiẓrigt tis 4 n warraz aseklan Muḥend Akli At Uxeddal «Muḥend Akli Ḥeddadu»

Tger-d tdukkla tinmetti-tadelsant ” Agraw” tiɣri i yimedyazen akked d yimyura, i wakken ad kkin deg tiẓrigt tis ukuẓ «AGRAW N UDLIS».
Ttiεad-a d win i ttεassan s ccuq Yiḥeddaden n wawal, ayagi imi, meḥsub negrent temliliyin tidelsanin am tigi deg yiseggasen yezrin.
Deg tiɣri-nsen ha-t-aya d acu i d-ssutren.

Tiɣri i uttekki

Tiddukkla tinmetti-tadelsant «AGRAW», i tikkelt-nniḍen, tettheyyi-d taẓrigt tis 4 «AGRAW N UDLIS». Ad d-tessiwel i yimura d wat tsekla ad zdin d ugraw-a iwakken ad cebbḥen tameɣra-a am wakken i cebbḥen tizrigin yezrin.
Tikkelt-a daɣen ad d-tesbedd arraz i wid ara d-yufraren deg tsekla taqbaylit:
Arraz ifazzen n wungal, neɣ n wammud n tullisin.

Ɣef waya ad d-tger tiɣri i yimura i iran ad tekkin deg warraz-a n “Muḥend Akli Ḥaddadu i wakken ad sersen idlisen-nsen deg uxxam n tdukkla.

Asrusu n yidlisen, ad yebdu seg 12 yennayer alma d 30 meɣres 2023

Tiwtilin n uttekki:

-Adlis ad yili d amaynut, yeffeɣ-d deg useggas 2022 d 2023.
-Adlis ilaq ad iɛeddi 100 n yisebtar.
-Idlisen i yewwin arraz Assia Djebar d Mohamed Dib ur sεin ara azref ad tekkin.

Asrusu n ukatar n utekki:

-Tuttra n utekki s tezmilt n bab-is deg ufaylu umḍin (scaner).
-Adlis s talɣa pdf.
-Tawlaft n tduli n udlis s talɣa jpg (scaner).
-Tameddurt n umeskar ad yili deg-s yisem-is, tansa-s, uṭṭun n tilifun-ines d
e-mail.
-Agzul n ugbur n udlis.

Yessefk ɣef yimura d yimeskaren i iran ad tekkin, ad d-ceyyɛen akatar-a n uttekki-nsen ɣer tansa-a
arazmdaklihadaddu@gmail.com

Yessefk ɣef umttekki ad d-yawi kraḍ (04) seg yidlisen-is ɣer uxxam n tdukkla «AGRAW» i d-yezgan di taddart n Texlijt, deg Uẓru At Cemmini, agezdu n Bgayet.

Aẓru At Cemmini
Ass n 10/01/2023
Aselway n Tidukkla

I wugar n yisallen  ɣur-wen uṭṭunen-a: 034 26 51 58 / 06 73 31 08 86 / 06 69 25 71 29

Di taggara, nessaram afud igerrzen i tdukkla d wid ara yekkin.