Tajmilt d usmekti:6 n yiseggasen segmi i aɣ-teǧǧa Dihya lwiz

Dihya lwiz s yisem-is idetti lwiza Awzellag, d tilemẓit i ilulen ass n 25 tuber 1985 deg Yiɣẓer Ameqqran, Bgayet. Temmut ass n 30 yunyu 2017, di leεmer-is 32 n yiseggasen, seld amennuɣ iḍulen akked waṭṭan.

Dihya d tamarut d tamedyazt i yuran s snat n tutlayin tamaziɣt d taεrabt.
Tessuffeɣ-d dɣa kraḍ n wungalen, sin s tutlayt taεrabt, yiwen di 2012, wayeḍ di 2013. Ma yella s tmaziɣt, tekka deg wammud n tullisin deg 2013 ” ifsan n tamunt ” , akked ungal umu tefka azwel ” gar igenni d tmurt ” i d-yeffɣen deg useggas 2017 di teẓrigin Frantz Fanon. S yes-s i tewwi arraz n Muḥemmed Dib n wungal ifazzen s tmaziɣt deg useggas n 2016.
Seg tama-nniḍen, tella seg tid yekkaten ɣef yizerfan n tmettut d umdan s umata.
Ass-a 6 n yiseggasen segmi i aɣ-teǧǧa tfekka-s, wamma nettat teṭṭef adeg gar yitran deg yigenni n wid i d-yefkan ǧǧan-d i tsekla-nneɣ.
Yuɣ lḥal ur yettmettat win i d-yeǧǧan.

Gar yisefra i tura:

Ziɣ mazal ur nebdi
Abrid ɣer tmusni
Abrid ɣer tlelli
Deg wiyaḍ mi ara nettwali
Amek akken yeshel kulci
Ɣur-neɣ amzun d awezɣi
Ur neẓri acimi
Nugi ad neffeɣ seg iḍelli
Tɛejba-ɣ tnumi
Tɛejba-ɣ truẓi
N wayen lɛali
Iɛejba-ɣ leɛwej dg-i nettili
Nugad an beddel
Akken ahat fella-ɣ

Sgunfu ihi di talwit .