Ccmini (At Weɣlis) : ad asen-tuɣal tejmilt i yimura-imedyazen Mhenni d Kaysa Xalifi

9 juillet 20239 juillet 2023 Tiziri Ammud n tneḍruyin Nnaqus, Ammud n tullisin Nna Geltum, Ammud n tullisin tabraṭ, Ammud n yisefra kemm deg-i, Ammud n yisefra nnehda n uḥulfu, Aẓeṭṭa n wawalen, Ccmini, Culture Amazigh, Ihulfan, Kaysa Khalifi, Kaysa Xalifi, Mhenni Xalifi, Taqsiḍt Ifker d uwtul, Tidukkla Agraw, Ungal Asdawan, Ungal Imehbal, Zeddak Mulud tamḥaddit d tmedyezt

Yettban-d wahil n tmesrit n udlis i d-tettheggi myal aseggas tdukkla tinmetti-tadelsant ” Agraw ” azuḥ azuḥ.

Dɣa di timlilit n useggas-a di teẓrigt-is tis ukuẓ, seld leqdicat ɣef wacu i d-nberreḥ yakan ussan yezrin, berrḥen-d yemḍebbren n tdukkla ” Agraw ” ɣef tajmilt ara asen-yuɣalen i sin n yimura-imedyazen i aɣ-yeǧǧan wwḍen s amaḍal nniḍen, Mhenni d uletma-s Kaysa Xalifi fell-asen talwit.

Ad d-nesmekti belli, niqal ad as-tuɣal tejmilt i tmarut-tamedyazt Kaysa Xalifi deg useggas n 2019, meεna akken teẓram yella-d wugur n waṭṭan n Corona. Daymi i εewwlen ad as-terren aseggas-a. Ayagi ɣef leḥsab n tnagit n uεeggal n tdukkla-a Mass Nadir Uddak.

Mhenni i yellan yettheggi i tejmilt ara as-yuɣalen i uletma-s, ur yenwi ad d-yeddu deg-s ula d netta. Meεna akken qqaren iteddu waḍu akken ur d-as-yehwi i lbabur, ayen ɣef wacu yebna, mačči akken i yura ad iεeddi.

Ma nemmeslay-d cwit ɣef tejmilt-a d wayen yellan deg wahil-is, ad d-tili deg-s temzikent n wayen uran, askanay n wungalen i yuran sɣur Mass Mwaysi Neǧmeddin, taɣuri n wayen uran sɣur Massa Nisma tigrin, akked wawal n Massa Lynda Wataḥ ɣef leqdic-nsen.
Di taggara, ad nesnemmer tidukkla ” Agraw ” ɣef tejmilt-a, ma yella d Mhenni d Kaysa nessawaḍ-asen tejmilt anda akka i llan s usmekti d usnemmer-nsen ɣef wayen akk i d-fkan i yidles d tsekla-nneɣ.
Sgunfum di talwit ay imeqqranen.