Ffɣen-d yigemmaḍ n kra n warrazen Nubel (prix Nobel)

3 octobre 20233 octobre 2023 Tiziri Prix Nobel de la chimie, Prix Nobel de la littérature, Prix Nobel de la medecine, Prix Nobel de la paix, Prix Nobel de la physique

Iḍelli 2 ṭuber 2023 i d-ffɣen yigemmaḍ n wid yewwin arraz Nubel n tensujjya. Arraz-a yettunefk i sin n yemsujjiyen imnadiyen i d-yesnulfan ddwa n ucraḍ mgal n waṭṭan n Covid 19. Wigi d Massa Katalin Karikó, d Mass Drew Weissman i d-yufraren.

Ma yella d arraz Nubel n tfizikt yettwaberreḥ-d ass-a 3 ṭuber 2023, d win yettunefken i kraḍ n yemnadiyen Pierre Agostini d Anne L’Huillier akked Ferenc Krausz ɣef unadi-nsen deg wayen icudden ɣer tafat.

Seg tama tayeḍ, yetturaǧu ad d-ffɣen yigemmaḍ n warraz Nubel n tekrura (chimie) azekka 4 ṭuber 2023. Syin akkin ass n 5 deg wayyur-a ad d-banen yigemmaḍ n warraz Nubel n tsekla. Azekka-nni 6 ṭuber, ad d-ffɣen wid n talwit.