Taftist : 14 i iɣerqen deg yilel segmi yebda wayur n yunyu.
14 i yemmuten s uɣraq deg yilel ; 11 seg-sen, deg teftisin anda yettwagdel uεummu deg-sent, seg 01 yunyu 2024. Akka i d-nnan ass-nni n ssebt yimḍebren n uḥader aɣarim (protection civile). Deg 2023, mmuten 214 n medden ; 114 seg-sen, mmuten deg teftisin yettwasurgen (autorisés).
« Seg 01 yunyu 2024, imeggayen (agents) n tεessast, gren-d iman-nsen azal n 1302 n tikkal anda i d-selken seg uɣraq 699 n yimdanen rnan rran-d tarwiḥt i 365 n yimdanen deg wammasen n tεessast (centres de surveillance). Skelsen (enregistrer) ɣur-sen tamettant n 14 n yimdanen, gar-asen 11 i yemmuten deg teftisin yettwagedlen i uεummu ». D anect-a ara nɣer deg ulɣu i d-uran.
Deg useggas n 2023, imeggayen n tεessast, gren-d iman-nsen azal n 74.896 n tikkal anda i d-selken seg uɣraq 48.915 n yimdanen maca mmuten 214, gar-asen 114 i yemmuten s uɣraq deg teftisin yettwasurgen». D aya ara nɣer daɣen deg ulɣu-nsen.
Ma yella d tuccfa deg yidgan anda llan waman akked yimedwen (étangs), imḍebren n uḥader aɣarim, fkan-d rray-nsen dakken tumant-a (phénomène) tettawi-d yal ass tamettant deg tmurt-nneɣ.
Skelsen 75 n lmεytin deg useggas n 2023 ; tuget seg-sen, d igerdan. Anect-a ɣas akken yettili-d uweṣṣi sɣur yimḍebbren-a bac ad ttḥadaren yimdanen iman-nsen.
« Maca aseggas-a, skelsen 9 n lmeytin, gar-asen 5 i yemmuten deg tmedwin ».
Nnan-d yimḍebren n uḥader aɣarim dakken εellen leḥsab, ufan dakken deg 5 n yiseggasen-a ineggura, timental tigejdanin n uɣraq d tuccfa deg teftisin yettwagedlen i uεummu neɣ d tuccfa i ttecfen deg timar (sswayeε) anda ur xeddmen ara yiεessasen deg teftisin-nni yettwasurgen neɣ asmi ara ɣiben yimeggayen n tεessast. Rnu ɣer waya ur ttqadaren ara lewṣayat akked nnehtat i asen-ttaken ».
Smektan-d deg ulɣu-nni belli tanmehla tamatut n uḥader aɣarim (Direction générale de la protection civile DGPC) tessers-d imeggayen ara iεassen deg teftisin i yettwaserḥen i uεummu, akken ad ḥadren imdanen ; aya, deg 1 yunyu armi d 30 ctember, seg 09:00 ar 19:00.
Deg ulɣu-nni daɣen, i useggas n 2024, « deg 613 n teftisin, akken yella cceṭ n Ldzayer, 455 i yellan n teftisin yettwasurgen yerna tella deg-sent tεessast, llant 175 n teftisin i yettwagedlen i uεummu acku gtent tmental gar-asent axnunnen (la pollution) akked wayen-nniḍen.
Aɣbalu:
Yerra-t-id ɣer tmaziɣt : Σabdennur Ḥamiṭuc. Tasnawit Tasemsayt n Udekkar.