(Tiwlafin). Tasexriwt (Bgayet) glan yiḥemmalen n waman s kra i d-mugren deg ubrid-nsen

D asaru n useggas yezrin i d-yuɣalen, neɣ ahat ugar, imi iḥumal n waman ggin yid-sen kra aεewwiq i d-ufan deg ubrid-nsen. Taɣiwant n tsexriwt i yeggugen azal n 50 n Yikilumetren ɣef twilayt n Bgayet, tewwet deg-s lehwa s buhan. D ayen i yeǧǧan asif n uɣeryun ifaḍ s waman. Yessaḥeb yid-s kra yufa deg ubrid-is.

Ula d yiwen n ukamyun ameqqran qrib yegla yes-s. Ad d-nesmekti belli taɣiwant n tsexriwt ttεeddayen seg-s yimezdaɣ n tɣiwant n At Smaεel usawen.  Rnu ttεeddayen deg-s daɣen wid iteddun i Xerraṭa neɣ i twilayt n Ṣtif. Akka tura, acemma ur yettḥerrik, imi gedlen waman kullec.

Ad nger tiɣri i yimesbriden i yettεeddayen seg ubrid aɣelnaw uṭṭun 09 akken ad ḥadren iman-nsen, ad qqimen deg yexxam-nsen. Acku abrid ur yelhi ara. Akken ad nessiwel i yimezdaɣ n tɣiwanin n At Smaεel akked tsexriwt ad ḥadren iman-nsen. Nessaram tawaɣit n yilindi anda i iruḥ yiwen n  urgaz d asfel n yiḥemmalen n waman fell-as talwit, d tiqenṭert s lekmal i yeɣlin daɣen ur d-tettuɣal aseggas-a. Ttḥadaret iman-nwen