Tasekla | Arraz Berbére Télévison i wungal Amaziɣ, taẓrigt tamezwarut

5 juin 20255 juin 2025 Rédac Arraz Berbère télévision n ungal ifazzen, Farida Sahoui, Littérature, Littérature kabyle, Prix berbère Tv, Rachid Tighilt, Rachida Bensidhoum, Tasekla tamaziɣt, Tasekla taqbaylit, Ungal aggus, Ungal tawkilt tamcumt, Ungal tigusa n tissas

Tella-d temlilit iḍelli, ass n 04 di yunyu 2025, deg usensu “Le Relais Vert” i d-yezgan di Wad Ɛisi, aɣir n Tizi Wezzu, gar yiεeggalen n tesqamut n yinezzurfa akked kra n yineɣmasen.

Ad d-nesmekti, iεeggalen n tesqamut-a d: Allaoua Rabehi, Hacene Halouane, Mohand Akli Salhi, Ramdane Achour, Tahar Ould Amar akked Takfarinas Nait Chabane.

Deg temlilit-a, fkan-d yiεeggalen n tesqamut n yinezzurfa isfernen iɣef yebded warraz: amek ara d-fernen ungal yufranen. Ɣer taggara, fernen-d 3 n wungalen gar 8 i yellan di tazwara; wid ara yilin di taggara n temsizzelt.

Ungalen d-yettwafernen i taggara d: Tawkilt tamcumt n Rachid Tighilt (tiẓrigin Imtidad), Aggus n Farida Sahoui (tiẓrigin Talsa) akked Tigusa n tissas n Rachida Bensidhoum (tiẓrigin Imtidad).

Igmaḍ neɣ afran n wungal ifazen di teẓrigt tamezwarut n warraz Berbère Télévision, ad ilin di taggara n wayur ideg nella.

tawlaft sɣur Kenza Kebdi

Nedjmeddine Mouaissi