At Smaεel(Bgayet) : tiɣri i tikkin deg tfaska n yideqqi (afexxar)

1 juillet 20251 juillet 2025 Tiziri Algerie, Association Culturelle Adrar n Fad, At Smaεil, Bgayet, Concours locale de la poterie traditionnelle, Lezzayer, Tafaska n ufexxar, Tafaska taɣelnawt n ufexxar ansayan, Tidukkla tadelsant Adrar n Fad

Berrḥen-d yemḍebbren n tdukkla tadelsant Adrar n Fad n At Smaεel ɣef ttiεad n tfaska n ufexxar, neɣ n yideqqi akken i as-ssawalen di temnaḍt-a, di teẓrigt-is tis 8 s uzwel akal, aman , times ….. d tahuska n tlawin.

Dɣa akken i nuɣ tannumi, tidukkla Adrar n Fad i d-yettheggin myal aseggas tafaska n tmedyezt di meɣres, tettabaε-itt-id tfaska n ufexxar. Imi tamnaḍt-a d tin yettwasnen s uḥraz d useḥbiber ɣef ansayen-nneɣ.

Ihi i wid iran ad akkin, yewwi-d fell-asen ad ceyyεen kuẓ n wallalen n ufexxar imaynuten i yettwacebbḥen s rrqem d lmedlug ɣer wexxam n tdukkla tadelsant Adrar n Fad. Ayagi uqbel n 15 ɣuct i d-iteddun.

Ad d-nesmekti belli allalen-a ilaq ad ilin mgaraden yal yiwen ɣef wayeḍ. Rnu ɣur-s, imekki ilaq ad yesεu ugar n 18 n yiseggasen.

I yisalli ddeqs n leqdicat nniḍen ara yilin di ttiεad-a, ama d tufsirin n yiqennucen n ufexxar, neɣ asenzi n yiqennucen-a. Akked tnemselt n uselmed n uxeddim n lebni d rrqem i warrac imecṭaḥ neɣ i wid yebɣan ad lemden s umata. Ili-ken di ttiεad ! .