(Tiwlafin). At Ǧlil, tεedda akken iwata tfaska n tazart d yifarisen idiganen

Akken i yuɣal d ansay, tesnubget taddart n tala n Mumen tɣiwant n At Ǧlil, tadayra n Amizur, di teɣzi n kraḍ n wussan, kra wid iḥemmlen tazart d yifarisen idiganen, neɣ kra win iḥemmlen ifarisen ansayanen. Ayagi yella-d seg 25 armi d iḍelli 27 ctember.

I yisalli, di teẓrigt-a tis 7, ugar n 200 n yifellaḥen d wid ixeddmen ifarisen iwenḍiyen i d-yusan seg  waɣiren yemgaraden ama d Bgayet, Tizi Wezzu, Tubiret, Sṭif, Tabatent, Tuggurt, neɣ Tlemsan. Ineggura-ya wwin-d yid-sen ifarisen-nsen fesren-ten-id i usenzu am tazart, tamemt, axerrub d awren, irden, tixecwula, iselsa, isufar n tuččit yemgaraden, d wayen-nniḍen.

Ad d-nesmekti belli ttiεad-a yella-d s lmendad n tɣiwant n At Ǧlil ɣef uqerru-s Mass Abdelɣani Wali.

Γer taggara, yewwi-d ad nesnemmer kra win ibedden akken ad yesmurres ccɣel-a, acku rnu i uḥraz n wayen yellan d ansayan, d afus n tallelt i ttaken i yifellaḥen akken ad d-mudden ugar.

Sɣur: Tafukt n yiḍ