Igmaḍ n umsizwer n tmedyezt akked tullisin n tfaska n Udrar n Fad.

Lawan-a i tettwamdel teggurt n teẓrigt tis 21 n tfaska n tmedyezt n Udrar n Fad n At Smaεel. Aya seld aberreḥ s yigmaḍ.

Ayen yerzan amsizwer n tmedyezt, yuɣal warraz amezwaru i Mass Mbarek Gamar, deffir-s deg umḍiq wis sin d Mass Hamidouche Amirouche, ma yella d Massa Linda Bousseksou tewwi arraz wis kraḍ.

Ma yella d amsizwer n tullisin, amḍiq amezwaru yeṭṭef-it Mass
Ferhat Amar Ouchabane,
amḍiq wis sin d Massa Benkarou Khelidja, ma d amḍiq wis kraḍ yuɣal i Massa Takourabt Rachida.

Ad d-nesmekti belli tikkelt-a rnan-d arraz-nniḍen win umu semman arraz n tεecret, aneggaru-ya yella-d gar n 10 n yimedyazen yewwin arraz amezwaru deg 10 n yiseggasen ineggaru. Ayen yerzan igmaḍ n warraz-a n tεecret, arraz amezwaru yewwi-t Mass Tamssaouet Belaïd, deg umḍiq wis sin d Ferhat Amar Ouchabane, ma d amḍiq wis kraḍ yuɣal i Mass Kassa Tarkoubt.

Ayyuz fell-awen merra.