Annar n 1u wamber n Tizi Uzzu: tella-d temlilit n ddabex uḍar gar tlawin

Simmal tettbin-d deg unnar tmeṭṭut Taqbaylit, deg waṭas n yiḥricen yerna.

Dɣa, seld azgen n umaraṭun n twetmin i d-yellan ass n 8 meɣres yezrin deg Micli, tettwaheyya-d ussan-a kan yiwet n temlilit n ddabex uḍar gar tlawin n taddart Iḥiṭusen akked tid n Tabuda.

Aneḍruy-a iheyya-t-id Ugraw n tlawin n taddart Tabuda s tallelt n Tenmehla n Yilemẓiyen d Waddal (DJS) n Ugezdu n Tizi Uzzu, deg unnar n umenzu wamber n temdint-a.

Ɣef wakken i d-nnant temheyyiyin, gant-d deg wahil timlilit-a ilmend n wass agraɣlan n yizerfan n tmeṭṭut i d-yettuɣalen di 8 meɣres n yal aseggas. D taɣara sɣur-sent akken ad d-beyynent amek tezmer ad tili tmeṭṭut deg buhan n yiḥricen n tudert.

Ad d-nesmekti belli ɣer taggara n temlilit-a, umi ḥeḍren kra n yimeɛraḍ d kra yimasayen (responsables), ttunefkent cciεat i tlawin timekkiyin d temheyyiyin.