Amaynut di tira: yeffeɣ-d udlis nniḍen ɣef tmedyezt n Zedek Mouloud

Ussan-a kan i d-yeffeɣ udlis nniḍen ɣef tmedyezt n unaẓur amḥaddi Zeddak Mulud s uzwel n “Asderfef – aḍebsi n uẓawan n Zeddak Mulud”, ɣer Teẓrigin Imal.

Yella deffir udlis-a uselmad n tmaziɣt di tesnawit Karim Cawec, mmi-s n Draɛ Lmizan.

Yeεreḍ umaru-a s wudem ussnan ad d-imeslay ɣef wayen yerzan tugniwin n uɣanib (figures de style) deg uḍebsi Asderfef, n unaẓur mmi-s n At Xelfun, i d-yeffɣen yuɣ lḥal deg useggas n 2014.

Ad d-nesmekti dakken taḥawact n udlis-a tella tedda-d d asentel n tezrawt n ukatay (mémoire) n master i iga Karim Cawec akked umdakkel-is Farid Budid.

Tzemrem seg ddurt-a ad tafem adlis-a deg waṭas n tnedlisin n Tmurt n Yizwawen ladɣa.

S wakka ihi, bdan ttnernayen yidlisen ɣef tmedyezt tanesbaɣurt n Zeddak Mulud i yuklalen anadi.