Lezzayer tamaneɣt: yeḍra-d ubaxix mi tettwanɣa yiwet n tmeṭṭut deg ubrid

Tettwanɣa ussan-a iεeddan kan, 11 ɣuct 2021, yiwet n tmeṭṭut mm 55 n yiseggasen deg uzrug mu qqaren 13 ihiktaren, tamdint n Berraqi, di Lezzayer tamaneɣt.

Ɣef wakken i d-tewwi teɣbalut-nneɣ, teḍra-d tedyant-a di tlemmast n ubrid, sdat medden.
Argaz amenɣay, i yesεan gar 20 d 30 di leεmer, iger yezla-tt seld mi tugi ad t-teǧǧ ad tt-yaker.

Ɣef leḥsab n teɣbalut-nneɣ dima, tella tmeṭṭut-a tasfelt txeddem deg yiwen n sbiṭar di Lezzayer.
Amdan-a yettεedda fell-as ad as-yaker aqrab-is nettat tella tleḥḥu di nniya-s deg ubrid azayez (public).

Anɣay-a (crime) yerna-d iman-is i waṭas-nniḍen i d-yeḍran ɣef tlawin di Lezzayer s umata.

Lawan-a εerrḍen tid d wid i d-ilehhun d uḥuddu ɣef yizerfan n tmeṭṭut ad siwḍen anadi ɣer tifin n urgaz-nni yenɣan d usεeddi n taluft di teɣdemt.