(Tiwlafin). Bgayet: ufan tafekka n yiwet n temɣart i yemmuten deg uxxam-is

Iḍelli, ɣef lewhi n 14:00 n wass i tettwawef Nna Ḍawiya, i yesεan 72 n yiseggasen di leεmer-is, temmut deg uxxam-is.

I yisalli, Nna Ḍawiya, d yiwet n temɣart i yettεicin i yiman-is acḥal-ayagi. Taneggarut-a, tezdeɣ deg taddart n 600 n yexxamen, deg Iḥeddaden, tawilayt n Bgayet.

Γef leḥsab n tnagiwin n yimεacren-is, ɣur-s azal n waggur ur d-tban. D ayen i ten-yeǧǧan dɣa ttqelqen fell-as, imi ur tuɣ tanummi tettɣib fell-asen.

Tadyant n Nna Ḍawiya tessewhem-iten, meεna nwan yella s anda i truḥ, daymi ur d-tban.

Yuɣ lḥal, seld ddeqs n wussan segmi i ur d-iban fell-as ula d isalli, tfuḥ-d yir rriḥa seg uxxam-is. Daymi dɣa, i ssawlen kra n yimεacren i yiqeddacen n Uḥuddu aɣarim ( protection civile).

Ad d-nesmekti belli, iqeddacen n uḥuddu aɣarim i d-yusan nutni akked d yiɣallen n laman, ttuḥettmen ad rẓen taggurt, i wakken ad kecmen s axxam n Nna Ḍawiya. Imir-n dɣa, ufan-tt d tafekka war iẓiɣer.

Rnu i waya, acḥal-aya segmi i temmut, ɣef waya i d-tetteffeɣ yir rriḥa-nni.

Di taggara, tettwawi tfekka-s i sbiṭar n Xalil Ɛemran, akken ad ẓren tamentilt n ttmettant-is.

Iɣsan-is di talwit.