Bgayet: yuli wemḍan n wid yemmuten armi d 19

Mazal asaru n tmes igellu s terwiḥin n medden di twilayt n Bgayet.

Rnu i 8 n yemdanen iɣef i d-nberreḥ zgelli, rnan-d 11 nniḍen, d ayen i yeǧǧan amḍan n wid yemmuten yuli i 19 n yemdanen, gar-asen 10 n yiεsekriyen.

Ma yella d 9 nniḍen yemmuten, 07 deg-sen mmuten di  sbiṭar n Xalil Ɛemran di Bgayet, tuget-nsen  n tɣiwant n Tuǧa.

Yiwen yemmut di sbiṭar n Uqbu (d argaz n bu 69 n yiseggasen), wayeḍ yemmut di sbiṭar n Sidi Ɛic (d argaz yesεan anagar 42 n yiseggasen), aneggaru-a n At Ksila.

Ula d wid ijerḥen yuli wemḍan-nsen i 81, gar 25 n yiεsekriyen akked 56 nniḍen ɣef wacu i d-nemmeslay yakan.

Tabɣest d leεqel i twaculin d yimawlan.