Taɣuri n tmezgunt ” udem s udem ” n umaru Ḥusin Harun

Amaru : Ḥusin Harun.
Azwel-ines : Udem s Udem.
(D taɣuri tilellit n “Mort sans Sépulture” i yura Jean-Paul Sartre.)
Tiẓrigin : Achab.
Awal awezzlan ɣef umaru : Ḥusin Harun, d aselmad n tefransist. Isuffeɣ-d ungal-ines amezwaru “Le Roseau Sentimental” di Lpari deg useggas n 1983.
Iwudam
a : Isurtiyen : d wid i yettqehhiren imekraf.
Kumisar Garac (d aɣilla-nsen), Waɣzen, Zellim, Asurti.
b : Imekraf : wid i yettwaṭṭfen acku sersen tileffuɣin.
Σmer : D netta akk i imeqqren seg-sen.
Yidir.
Taseεdit.
Meẓyan : d aqrur.
Belqasem.
Agzul n usinaryu : Imekraf-a, ttwaṭṭfen deg tkurmut, suffuɣen-ten-id ɣer texxamt anda llan yisurtiyen, ttqehhiren-ten akken ad d-sqirren anda yella uqerruy n terbaεt-nsen (Belqasem) acku sersen kra tleffuɣin i ixedmen axeṣṣar.
Asentel, yettezzi gar yimekraf akked yisurtiyen, tidyanin ad ten-awint ɣer wayen qessiḥen imi terra tmara imekraf-nni ad nɣen Meẓyan i yellan d gma-s n Tseεdit acku yebɣa ad d-yesqer.
Maca tamezgunt-a, tesken-d tabɣest n wid i yettwaṭṭfen, gguman ad d-sqirren ɣas akken xedmen-asen ayen ur nelli : trisiti, lkellab, tukksiwin n sser ….
Tin yenṭerren d Taseεdit acku d tameṭṭut yellan deffir n tmenɣiwt n gma-s abesṭuḥ. Nnif, yewwi-tt ad teqqbel aya wala ad tezzenz nnif-is.

Sɣur Ɛebdennur Ḥamiṭuc