Taẓrigt tis semmus n warraz aseklan Muḥend Akli Ḥaddadu

Tger-d tdukkla tinmetti-tadelsant ” Agraw ” tiɣra i yimura i yebɣan ad kkin di teẓrigt tis semmus n warraz aseklan ” Muḥend Akli At Uxeddal”. Arraz-a ad yettunefk i wungal neɣ i wammud n tullisin  ifazzen. Ihi i ugar n yisallen, ad tafem s wadda deg tiɣri-nsen i d-berrḥen iḍelli isallen akk i ken-ilaqen.
Afud igerrzen ama i tdukkla neɣ i yimura.

Tiɣri:

TAẒRIGT TIS 5 N WARRAZ ASEKLAN
MUḤEND  AKLI  AT  UXEDDAL
«MUḤEND AKLI ḤADDADU»
Tiɣri i uttekki
Tiddukkla timetti d yedles «AGRAW», i tikkelt-nniḍen, tettheyyi-d taẓrigt tis 5 «AGRAW N UDLIS». Ad tsiwel i yimura d wat tsekla ad zdin d ugraw-a iwakken ad cebbḥen tameɣra-a am wakken i cebbḥen tizrigin yezrin.
Tikkelt-a daɣen ad d-tesbedd arraz i wid ara d-yifriren deg tsekla tamaziɣt:
Arraz ifazzen n wungal, neɣ n wammud n tullisin.
Ɣef waya ad d-tger tiɣri i yimura i iran ad ttekkin deg warraz-a n “Muḥend Akli Ḥaddadu iwakken ad sersen idlisen-nsen deg uxxam n tiddukkla.
Asrusu n yidlisen ad yebdu seg 01 yennayer alma d 30 meɣres2024
Tiwtilin n uttekki
-Adlis ad yili d amaynut, yeffeɣ-d deg useggas 2023 d 2024.
-Adlis ilaq ad iɛeddi 100 n yisebtar.
-Idlisen i yewwin arraz Assia Djebar d Mohamed Dib ur ttekkin ara.
Asrusu n ukatar n uttikki
-Tuttra n uttekki s tezmilt n bab-is deg ufaylu umḍin (scaner).
-Adlis s talɣa pdf.
-Tawlaft n tduli n udlis s talɣa jpg (scaner).
-Tameddurt n umeskar ad yili deg-s yisem-is, tansa-s, uṭṭun n tilifun-ines d
e-mail.
-Agzul n ugbur n udlis.
Yessefk ɣef yimura d yimeskaren iran ad ttekkin ad d-ceyyɛen akatar-a n uttekki-nsen ɣer tansa-a :
arazmdaklihadaddu@gmail.com
Yessefk ɣef umttekki ad d-yawi kraḍ (04) seg yidlisen-is ɣer uxxam n tiddukkla «AGRAW»i d-yezgan di taddart n Texlijt, deg Uẓru at Cemmini, agezdu n Bgayet.
Aẓru at Cemmini
Ass n 25/12/2023