(Tiwlafin). Mkira: yemmug yiwen n usebdad d tajmilt i umeɣras Ɛli Mellaḥ

19 septembre 202119 septembre 2021 Azwaw ALN, Colonel Ali Mellah dit Si Chérif, M'kira, Tajmilt-hommage, Tighilt Boughni, Tutlayt taqbaylit

Yettwanwa ad as-tuɣal tejmilt i umeɣras akulunil Ɛli Mellaḥ, mu qqaren Si Crif, iḍelli sem (ssebt) 18 ctember, di taddart-is n tlalit tiɣilt Buɣni, taɣiwant n Mkira, di Tizi Uzzu.

Ilmend n uneḍruy-a (événement), yettwasbedd ihi dinna yiwen n usebdad (statue) i d-yesmektayen tugna-s d tthilma-s, s uḥḍar n kra n wudmawen, n yimasayen d yimezdaɣ n temnaḍt-nnii. Abnaw n usebdad-a yella-d sɣur sin n yinaẓuren; Tiɣilt Amaziɣ akked Latamen. Ma d taplakt n wadda ulac akk deg-s tazwawt.

I uselɣu, ilul uknaner Ɛli Mellaḥ di 14 furar n useggas n 1924 di taddart Tiɣilt Buɣni. Yettwanɣa s ufus n uɣḍar, sɣur yiwen seg yimdukkal-is n Tredsa n uslelli aɣelnaw (ALN) ass n 31 meɣres 1957 deg Derrag.