7 n yisufar ur ilaq ad ttwasersen deg yemsiṣmeḍ

Amsiṣmed ( réfrigérateur ), d taɣawsa i yellan deg myal axxam. S unamek-nniḍen, ur nezmir ad nesmeḥ deg-s, imi nesra-s deg tudert-nneɣ n yal ass. Amsiṣmeḍ daɣen, d win iḥerrzen tuččit-nneɣ i ddeqs n wakud, daymi i neggar deg-s isufar-nneɣ.

Lameεna, akken i llan yisufar i nezmer ad nger deg-s, i llan wiyaḍ ug ilaq ara. Acku sruḥuyen lbenna d ubaɣur-nsen (lfayda).

Deg umagrad-a neεreḍ newwi-awen-d kra seg yisufar ur ilaq ad tegrem deg yemsiṣmeḍ.

1) Ṭumaṭic : ddeqs deg-neɣ i yeggaren ṭumatic deg yemsiṣmeḍ, ladɣs ma yella nesεa s buhan deg uxxam. Meεna taneggarut-a, ur tlehhu ara deg yemsiṣmeḍ, imi iclem-is yettbeddil, yerna tettruḥu-as lbenna-s.

2) Tammemt : taneggarut-a tettwaḥraz di berra. Acku ma tekcem ɣer yemsiṣmeḍ, tettuɣal tettuzur s tazla, tjemmed.

3) Tiskert ( ticcert) : tiskert deg yemsiṣmed tessemɣay, rnu i waya txeṣṣer s teṣmuḍi.

4) Lqahwa : ma yella teseggem-d ddeqs n lqahwa, teggra-awen-d, ur teggarem deg yemsimeḍ, ǧǧem-tt deg berra. Ayagi imi, tettekcam-as-d rriḥa n yisufar-nniḍen, tetteffeɣ-itt lbenna.

5) Lebṣel : ur ggaret lebṣel deg yemsiṣmeḍ, imi ixeṣṣer yettuɣal am wemtun.

6) Baṭaṭa: ma yella tegrem tamawt, yal mara tegrem baṭaṭa deg yemsiṣmeḍ, tettuɣal d tazeggaɣt. Yuɣ lḥal, tessallaw tettruḥu-as lbenna-s.

7) Afeqqus : aneggaru-a yeṣruḥuy lfayda-s deg yemsiṣmeḍ. Imi ttruḥun-as kran yivitaminen-ines.