Amek ara εeqleɣ iman-iw ma yella sεiɣ axenzir (cancer) n yidmaren (yifan)?

Yal tameṭṭut neɣ taqcict (taḥdayet/femme), tezmer ad tzerr ma yella yebda-tt-id uxenzir-a, send ad yemhaz deg yidmaren-is, annect-a yettili-d s kra n tarrayin neɣ n yiluɣma, deg uxxam war imsujji (médecin). Iluɣma-ayi, ttwaxdamen yal ayyur.

Akken i d-nennna, asεeddi ɣef uxenzir-ayi yettili-d s kra n tarrayin neɣ d iluɣma.

Di tazwara, bedd ɣer lemri tmuqqleḍ ɣer yidmaren-im ma yella umgired (différence) gar-asen, neɣ ma yella kra i d-ibanen d amaynut ur tennumeḍ ara tettwaliḍ-t ɣef yidmaren-im.

Tis snat, sres ifassen-im ɣef uqerruy-im i sin, tettekkaḍ yes-sen ɣer sdat, sakkin muqqel ma yella kra n umgired gar yidmaren-im.
Tis tlata, sres ifassen-im deg wammas-is, tunzeḍ cwiṭ ɣer sdat, rnu tekki i tuyat-im d yiɣallen-im, tmuqqelḍ ma yella umgired gar yidmaren-im.

Tis rebεa, sres afus-im aẓelmaḍ deffir uqerruy-im, sexdem tlata n yiṭuḍan (doits) n ufus ayfus iwakken ad teẓreḍ tama tazelmaḍt n yidmaren-im, s udewwer n yiṭuḍan-nni fell-as s cwiṭ, cwiṭ, ad tezreḍ ma yella kra i d-yeffɣen sdaxel neɣ berra n yidmaren-im, neɣ ad teẓreḍ kra d amaynut deg yidmaren-im (amedya, ad d-teffeɣ kra n tεeqqayt, ur tennumeḍ tettwaliḍ deg yidmaren-im). Ɛiwed i wannect-a i tama tayfust n yidmaren-im.

Tis xemsa, tekki-yas i tlemmast n yiwet n tama seg yidmaren-im, tmuqqeleḍ ma yella ma yella kra i d-yeffɣen seg-sen.

Γer taggara, εiwed i tarrayt tis rebεa d tis xemsa mi ara tkessleḍ (ad tiliḍ ɣef uzagur/uεrur).

Ma yella twalaḍ kra d amaynut deg yidmaren-im, ur tεeṭṭil ara ruḥ ɣer umsujji, akken daɣen ma yella ur tezmireḍ ad teẓreḍ ma tesεiḍ axenzir-ayi neɣ xaṭi, myif ad truḥeḍ ɣer umsujji.

*Wali tawlaft yellan deg uwennit amezwaru.

sɣur:Neǧmeddin Mwayessi, tuber 2020.