Asmekti n Tefsut Taberkant d tin n 80: ad d-theyyi asarag tdukkla Asaki n Ticci

Ilmend n usmekti n Tefsut Taberkant n 2001 akked Tefsut n tmanyin, ad d-theyyi tdukkla Asaki n Ticci yiwen n usarag s wazal-is sɣur umaru d umekfaḍu n radyu Ǧamal Laseb, akked uselmad Lhewwari Buxalfa.

Asentel n usarag-a ad yezzi tugart-tugart ɣef yisefra n zik d usawki yerzan tamagit d uẓar, imi azwel-is d “Isefra imziken Iqbayliyen – Asawki amagiyan”.

Yetturaǧu ad d-teḍru temlilit-a taseklant azekka aram 20 yebrir ɣef 14:30, deg Unammas Adelsan Idir Ɛacur – Bakaru.

Ad d-nesmekti bell nnig n usarag-a, ad d-tili daɣen temzikkent (exposition) ɣef yineḍruyen-a (événements) imezrayen i tedder Tmurt Taqbaylit.

Tettwaceyyeε ihi si tura tinnubga i kra n win yebɣan ad yeḥḍer.