Tadyant n Ǧamal Ben Smaεil: Rzan kra n yiεeqliyen n twilayt n Tizi Wezzu ɣur twacult-is

Seld tadyant n Ǧamel Ben Smaεil i d-yeḍran di Larebεa n At Iraten, yerza ass-a ahad 25 ɣuct, ugraw n yiεeqliyen, seg twilayt n Tizi Wezzu, ɣef uqerru-nsen Ccix Saεid Buyezri ɣur twacult n Ben Smaεil.

Ineggura-a d nniya yelhan i ten-yeggin, neɣ s unamek-nniḍen, d assaɣ n tegmat i bɣan ad bḍun yimawlan n Ǧimi akked yiqbayliyen. Ad d-nesmekti belli tigawt-a tekcem deg wansayen n Tmurt Taqbaylit.

Seg tama-nniḍen, anejmuε-a iruḥen, wwin yid-sen tadrimt n wazal n tlata imelyaren, fkan-asent d ddiya i baba-s n win iruḥen d asfel.

Yiwwi-d ad d-nebder dakken, mgaradent tmeɣliwin n yemdanen ɣef tedyant-a, gar wid umu yehwa lḥal, d wid yellan mgal.

Wid yellan mgal dɣa, bḍan ɣef sin n yiḥricen, imezwura ttwalin belli tirwiḥt n wemdan ur teswa ara tadrimt n ddunit akk. Ma d wid-nniḍen, ttwalin belli ilaq ad mudden azal n tedrimt-a ula i twaculin yenḍerren seg yijajiḥen n tmes.

Ma yella d wid umu yehwa waya, ẓerren belli baba-s n Ǧamal yuklal tifki-a, acku iqubel taswiεt s tegzi d leεqel.