Talɣuɣa n Tefriqt n Karaté: tewwi-d Ḥamaci Zahra tazalɣi n uwreɣ

D axeddim igerrzen nezzeh i tga Ḥamaci Zahra deg telɣuɣa n Tefriqt n karaté n useggas-a, i yettwaxedmen di tmurt n Yiferεunen Maṣer.
Yuɣ lḥal, ur d-tuɣal ɣer Tmurt ifassen d ilmawen, meεna s tezalɣi n uwreɣ deg ufus-is.

Tazalɣi-a ( médaille ), d tin i tuklal s tidet, imi tessbeyyen-d iman-is akken iwulem sdat n yexṣimen-is.

Ad d-nesmekti belli, Zahra d yelli-s n tmeẓrit, tawilayt n Bgayet. D tin yetturaren dɣa, di terbeεt n USTimezrit.

I yisalli, iḍelli imi i d-tres deg unafag ( l’aéroport ), tufa-d tawacult-is, imawlan-is, tarbeεt-is, akked ddeqs n wid i tt-iḥemmlen ttraǧun-tt. Ineggura-a, sreḥben s yes-s akken ilaq.

Nukni seg tama-nneɣ ad as-nini ayyuz i nettat, asleɣmay-is, akked terbeεt-is. Afud igerrzen ɣer sdat.