TAJMILT I UMARU N TEQBAYLIT RACID ԐELLIC

Racid Ԑellic d aneggal s tutlayt taqbaylit, ilul ass n 7 deg yebrir 1953 deg Tgemmunt Ԑazzuz (Ayt Meḥmud – Tizi Wezzu). 
Tizrawin-is rzant aṭas n yiḥricen n tussna d tmusni. Gar yigerdasen i d-yewwi
– Agerdas n Tezrawin Tunnigin n tfizikt deg tesdawit n Lezzayer tamaneɣt ;
– Agerdas n tezrawin tisdawanin timatuyin, deg tesdawit n Lyon.
Deg tesdawit-a n Lyon i yeḍfer timsirin n tesnilest taferkant, deg uḥric n tesnazmult. Am wakken yeḍfer daɣen timsirin n tutlayt talmant iɣef d-yewwi Aselkin n Tsudut Goethe n Lezzayer tamaneɣt.

Racid Ԑellic, d yiwen gar yimenza yuran ungalen s teqbaylit :
– Asfel (1981) 
– Faffa (1986)
Yura daɣen taceqquft n umezgun « Tasanfunit », teffeɣ-d deg tesɣunt Awal n useggas n 1988.

Racid Ԑellic, yexdem daɣen d anfaras deg waṭas n tedwilin deg radyu tis II. Yal yiwet s usentel-ines d wazal-ines.
– tadwilt ɣef tutlayt d tɣerma n Yimaziɣen i yebdan deg useggas n 1990 ;
– tadwilt i yigerdan ɣef ccna, uraren, tanfalit, tasekla… ;
– tadwilt ɣef tɣerma n tmura n Yilel Agarakal, i d-yettawi yal imalas deg useggas n 1998.
Racid Ԑellic, d amaru amerkanti, yessnen ad yessemlil amaḍal n yigerdan d yimeqranen ur neɣri niɣ yeɣran.

Ungalen-is imerkantiyen deg tektiwin timaɣradin d wayen tettidir tmetti-nneɣ, ladɣa tamsalt n tmagit n tmaziɣt niɣ taqbaylit.

Γas yeǧǧa-yaɣ ass n 18 deg meɣres 2008, yeǧǧa-yaɣ-d llsas aseklan, mačči kan s tetrarit, maca daɣen… s teqbaylit.

Sɣur :Nacer Medjdoub