TAJMILT D USMEKTI N TMETTANT N UNAẒUR CCIX NUREDDIN

Drusit yicennayen n zik i d-yecnan azal n tira n tmedyezt ara cnun nutni s timmad-nsen. Tizlit n Ccix Nureddin Ddmeɣ-d leqlam ad aruɣ d amedya. Yenna-yas daɣen deg yiwet :

𝐴 𝑙𝑒𝑞𝑙𝑎𝑚 𝑎ɣ 𝑎𝑤𝑎𝑙-𝑖𝑤
𝐼𝑙𝑖-𝑘 𝑑 𝑎𝑟𝑓𝑖𝑞-𝑖𝑤
𝐾𝑒čč 𝑘𝑒𝑡𝑡𝑒𝑏 𝑛𝑒𝑘𝑘 𝑎𝑑 𝑡𝑡𝑟𝑢ɣ.

Yuki d akken tella tatut, yella ucengu i yekkaten ad yekkes i tutlayt tameddurt. Maca, anaẓur yeggul ur yeǧǧi tameslayt n tyemmat swayes i yenṭeq asmi d-yeldi allen-is tikelt tamenzut mi d-yusa ɣer ddunit. Yenna-yas :

Γ𝑒𝑓 𝑤𝑎𝑦𝑒𝑛 𝑎𝑘𝑘 𝑖 ẓ𝑟𝑎𝑛𝑡 𝑤𝑎𝑙𝑙𝑒𝑛-𝑖𝑤
𝐼 𝑠𝑙𝑎𝑛 𝑦𝑖𝑚𝑒ẓ𝑢ɣ𝑒𝑛-𝑖𝑤
𝑀𝑎čč𝑖 𝑑 𝑘𝑟𝑎 𝑎𝑑 𝑎𝑠-𝑐𝑓𝑢ɣ
𝐵ɣ𝑎𝑛 𝑎𝑑 𝑖𝑦𝑖-𝑔𝑒𝑧𝑚𝑒𝑛 𝑖𝑓𝑎𝑑𝑑𝑒𝑛-𝑖𝑤
𝐴𝑑 𝑚𝑚𝑡𝑒ɣ 𝑠 𝑓𝑎𝑑-𝑖𝑤
𝑇𝑎𝑙𝑎 𝑧𝑒𝑑𝑑𝑖𝑔𝑒𝑛 𝑎𝑑 𝑡𝑙𝑢ɣ
𝑁𝑒𝑘𝑘 ε𝑢ℎ𝑑𝑒ɣ 𝑇𝑎𝑞𝑏𝑎𝑦𝑙𝑖𝑡-𝑖𝑤
𝑌𝑒𝑠-𝑠 𝑖 𝑑-𝑙𝑑𝑖ɣ 𝑎𝑙𝑙𝑒𝑛-𝑖𝑤
𝐴𝑙𝑎 𝑦𝑒𝑠-𝑠 𝑎𝑟𝑎 𝑐𝑒𝑛𝑛𝑢ɣ.

Ccix Nureddin, s yisem-is n tidet Nureddin Meẓyan, ilul deg Ɣuct 1918 deg taddart n Ugemmun (Larbɛa n At Yiraten). Deg useggas 1936, mi yella akkenni yessirid ijeqduren deg kra n yiwet n tsiremt (Aṭebbax), anemhal n teẓrigin Pathé Marconi izedɣen deg tama-nni, isell-as mi icennu, dɣa iɛjeb-as. Yesuter-as ad yessekles tizlatin-is. Imir-nni i yecna i tikelt tamenzut 𝐴𝑛𝑒𝑓-𝑖𝑦𝑖 𝑎𝑑 𝑟𝑢ɣ, 𝐴 𝑥𝑎𝑙𝑖 𝑥𝑎𝑙𝑖. Sin n yiseggasen akkin, yessekles 12 n tezlatin, gar-asent : 𝐴𝑙𝑙𝑜 𝑡𝑟𝑖𝑠𝑖𝑡𝑖, 𝑌𝑒𝑙𝑙𝑖-𝑠 𝑛 𝑡𝑚𝑢𝑟𝑡… Yekki daɣen deg usrusu n llsas n radyu tis 2, sɛeddayen-d tizlatin-is, ticeqfin n umezgun d tedwilin i ixeddem. Ccix Nureddin, d yiwen usegbar ameqran deg uḥric n sinima. Yurar deg waṭas n yisura imeqranen n Tewfiq Fares, Michel Brach, Ɛmer Lɛasekri, Muḥemmed Zinet, Muḥemmed Lexḍer Ḥamina…
Ccix Nureddin, yemmut ass n 16 ɣuct 1999. Yeǧǧa-d aṭas n tezlatin, gar-asent : 𝐴𝑏𝑒𝑟𝑛𝑢ṣ, 𝐴𝑦 𝑎𝑠𝑚𝑖 𝑞𝑞𝑎𝑧𝑒𝑛 𝑎ẓ𝑒𝑘𝑘𝑎, 𝐴𝑦 𝑖𝑚𝑠𝑒𝑏𝑟𝑖𝑑𝑒𝑛 𝑖ɛ𝑒𝑑𝑑𝑎𝑛, 𝑌𝑒𝑡𝑡ɣ𝑖ḍ 𝑤𝑖𝑛 𝑦𝑒𝑙𝑙𝑎𝑛 𝑑 𝑙𝑒𝑓ḥe𝑙, 𝑇𝑒𝑡𝑡𝑟𝑢 Ǧ𝑢ℎ𝑟𝑎, 𝑌𝑒𝑚𝑚𝑎 𝑎 𝑡𝑖𝑛 ḥ𝑒𝑚𝑚𝑙𝑒ɣ, 𝑢𝑓𝑖ɣ 𝑡𝑡𝑒𝑗𝑟𝑎 𝑡𝑒𝑡𝑡ɣ𝑎𝑟, 𝐶𝑓𝑢 𝑓 𝑙𝑒ℎ𝑑𝑢𝑟 𝑛 𝑦𝑒𝑚𝑚𝑎-𝑘…

Anaẓur-a d aɣerbaz ummid. Deg-s nezmer ad nelmed aṭas n tẓuriwin, ad nelmed taqbaylit timserreḥt i yessilwiɣen ilsawen am tamemt.

Sɣur: Nacer Medjdoub